Macuarima Aruba: Cuerpo Policial Aruba ta informa cambio den dianan di peticion pa cu entregamento di permiso.​

Manera ta conoci cu persona of organisadornan di eventonan social, deportivo of educativo, cu ta mara na un permiso, mester tene cuenta cu pa pidi esaki mester hasi e peticion na tempo. Antes bo mester a haci bo peticion 10 dia di trabao prome cu e fecha di e evento.

Desde diabierna 1 november 2019 esaki lo conoce un cambio. Esaki lo bira 12 dia di trabao prome cu e fecha di e evento. 

Mester corda si cu diasabra, diadomingo of dia di fiesta NO ta conta den e 12 dianan aki.

Tambe tene na cuenta si un persona of organisacion hasi un solicitud pa un evento y resulta cu e tin un permiso bieu cu no a ser busca ni a paga, e lo tin cu paga pa esun bieu prome cu e haya esun nobo.

Peticionnan cu wordo entrega menos cu 12 dia di trabou (prome cu e fecha di e evento) lo no wordo procesa mes.

E rekisitonan pa haci un peticon pa cu un permiso ta keda mescos. 

Nos ta pidi tur hende concerní tene bon cuenta cu e cambio menciona.

Cuerpo Policial ta subraya cu mester obedece tur ordo di Polis relaciona cu Orden Publico y Polis ta autorisa pa para e evento na momento cu Orden publico ta rekeri esaki of na momento cu constata cu a viola cualkier di e condicionnan aki.