![](https://www.awe24.com/wp-content/uploads/2022/04/4CD5A9D0-834A-4BF6-A782-C63357333C8A-640x334.jpeg?v=1649469204)
Diabierna mainta a drenta informe di un accidente cu hende herida na e cruzada Jan de Oudestraat cu Bernhardstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente pa falta di preferencia unda e chauffeur di e Ford Figo biniendo for di nort den Jan de Oudestraat no a duna preferencia na e Mitsubishi Colt bayendo pabao y nan a dal den otro. Debi na e fuerte impacto 2 persona a resulta herida. Na yegada di e ambulans nan a atende e victimanan.