Diadomingo despues di mey anochi a drenta informe di cu tin musica duro ta stroba habitantenan den vecindario di Sero Blanco di drumi, mesora a dirigi un patruya na e sitio. Na yegada di e patruya a bin compronde cu aki ta trata di un fiesta di cumpleaños unda e musica tabata hopi duro. Polis a papia cu esnan na e fiesta y nan a baha e volumen un tiki so pero ora polis a bay nan a manda e volumen mas halto y bisiñanan a bolbe yama polis y e patruya a regresa y a informa na nan cu si nan mester bin un biaha mas lo confisca e aparatonan. Despues di un rato fiesta a caba.