Feria na Sanctuario di Burico

E Sanctuario di Burico na Aruba ta di fiesta den e dianan aki. Exactamente 25 anja pasa e fundador di e Sanctuario di Burico, Ramon Boekhoudt, a buska refugio pa e prome burico cu yama Bambam.  Ainda Bambam ta na bida, y ta bibando conhuntamente cu 130 otro burico den e Sanctuario.

E Sanctuario di Burico a bira un atraccion turistico riba nos isla, cu un total di ongeveer 30,000 bishitante pa anja. Pero mas cu esei e Sanctuario ta un lugar di refugio, cuido y siguridad pa nos buriconan. Mas cu 40 boluntario ta duna nan tempo, amor y cuido na e buriconan.

Pa celebra e fecha historico aki, e Sanctuario di Burico a organisa un Feria diadomingo, 24 di April di 10or mainta pa 3or atardie. Lo bai tin hopi actividad pa grandie y chikito. Lo bai tin 30 booth cu diferente artesania y producto. Emco lo print t-shirt y companianan manera Kooyman, Shrek y Flora Market  hunto cu artistanan local lo show nan productonan. Lo bai tin muziek pa deleita un y tur, weganan pa mucha y tambe dushie cuminda y bebida di benta. Varios shelter y organisacion di bestia tambe lo ta einan.  Un auction cu bunita mercancia ta riba agenda tambe. Angela Tiemens di radio stacion Fresh FM lo bai ta e MC di e evento aki.

 

 

Share:

Leave a Reply

Your email address will not be published.