![](https://www.awe24.com/wp-content/uploads/2022/04/8b594346-fe2f-4697-a3cd-89d77db86906-668x334.jpg?v=1650303453)
Dialuna mainta a drenta informe di cu un homber a cay y a kap su cabes y ta sangrando profusamente, mesora a dirigi tanto polis como ambulans na e sitio. Na yegada di e patruya a bin topa un homber riba un stupi y e homber ta splica cu ela bay coy un mop y ela perde balans cay dal su cabes riba un stoel, polis a mira cu e tin un kap basta grandi na su cabes banda drechi net tras di su orea y tabata sangrando polisnan a aplica un paña pa wanta e sangramento. Na yegada di e ambulans nan a atende e victima y a transporte pa hospital.