Diasabra madruga a drenta informe di algo misterioso un habitante di Sero Patrishi ta nota cu su auto falta e plachi number di auto di patras y pa evita e haya su mes den problema a avisa polis mesora. Tirando un bista rond a bin descubri un otro plachi number banda di e bari di sushi pero esey no ta esun di dje. Un rato despues e mama di e habitante ta nota e number pega na e parti patras di e auto di bisiña. Polis a yama fiscal auxiliar y a haya permiso pa drenta den e cura y confisca e auto di e bisiña. Na momento cu takelwagen ta bayendo cu e Nissan March di e otro bisiña ta aparece un di tercer bisiña indicando cu ta esun cu a comete e “blunder” aki. Pa e por a move cu su auto cu no tin ningun papel na ordo ela fia sin permiso di e doñonan nan plachi number pa e por a pone un dilanti y e otro patras. Pero na su regreso ela kiboca y a pone e plachi number robez riba esun di e bisiña y ora ela bay pa pone e otro ela sinti movecion y a core tira esaki banda di e bari y a core bay. Awor como e prome bisiña a entrega denuncia di ladronicia di su plachi number e otro bisiña su auto a keda confisca.