Dialuna madruga a drenta informe di un caso di bringamento cu tiramento dilanti Joker Nightclub, mesora a dirigi varrios patruya na e sitio. Na yegada di e patruyanan a bin compronde cu esnan cu a los tiro a move bay den un Toyota Tercel color blanco. Ta asina cu a inicia cu un pelea unda kier a agredi un dama cu tabata cu algun mucha muher pero nan no a logra djey diripiente un hende a saca arma y a cuminsa tira rond como 5 pa 6 tiro cual un bala a herida un persona den brasa y un bala a destrui windshield di un auto. E persona herida mes a bay hospital pa atencion medico. Polis a sera e area ey y a pidi presencia di e investigadornan tecnico y forensyco pa bin documenta e evidencianan. Slachtofferhulp tambe a ser pidi pa bini na e sitio pa atende cu e otro mucha muher cu a keda tur spanta pa locual nan a caba di pasa aden.