Diahuebs merdia a drenta informe di un accidente cu hende herida na Bakval, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un pareha turista den un Kia Rio no a duna preferencia na un truck y esaki a bin dal den dje. Debi na e impacto e dama turista a resulta herida. Na yegada di e ambulans nan a atende e victima na e sitio mes.
