Dialuna atardi a drenta informe di un accidente na Savaneta dilanti di Wintergarden Supermarket, mesora a dirigi un patruya na e sitio. Na yegada di e patruya a bin compronde cu aki ta trata di un accidente di cadena entre 3 auto unda un chauffeur no a regula su velocidad ni a mantene distancia a bay dal tras di e auto su dilanti y consecutivamente e auto aki a bay dal tras di esun su dilanti. Afortunadamente ningun hende a resulta herida.
