![](https://www.awe24.com/wp-content/uploads/2019/10/080A070B-3A83-491E-BD71-E3C0313D80B0-668x334.jpeg)
Diasabra anochi a drenta informe di un accidente cu hende herida na e rotonde di Super Food riba Sasakiweg, mesora a dirigi tanto polis como ambulans na e sitio. Na yegada di e patruya a bin compronde cu un auto marca Hyundai modelo Accent color blanco, V-wagen, a subi e rotonde sin paga tino cu tabatin un brommer lorando riba e rotonde. Consecuentemente e brommer no a logra para mas y a dal den e auto.
E motociclista a resulta herida y tabata keha masha hopi dolor na varios parti di su curpa. Na yegada di e ambulans e personal a brinda asistencia medico. Despues di evaluacion a opta pa transporta e victima pa Hospital pa un revision completo.