Diadomingo madruga a drenta informe di cu tin un persona tur corta y na sanger na Citgo Sasaki. Mesora a dirigi tanto polis como ambulans na e sitio. Na yegada di e patruya a bin topa cu un homber basta cansa cu algun corta na su curpa y na sanger declarando cu e a corta su mes na su auto. Na yegada di e ambulans nan a atende cu e persona pero e no a desea di haya atencion di ambulans. Como cu e tabata hopi cansa polis a lag’e yama un familiar pa bin busc’e. Na yegada di e familiar a hala su auto y a bai cu e victima.