Diabierna atardi a drenta informe di un accidente cu hende herida na e cruzada Caya Ing. Roland H. Lacle cu Van Leeuwenhoekstraat, mesora a dirigi tanto polis como ambulans na e sitio. Na yegada di e patruya ya ambulans tabata na e sitio y a bin compronde cu aki ta trata di un accidente unda 3 auto ta envolvi y un persona levemente herida. Ambulans cu tabata atendiendo e persona herida a haya ta necesario pa transporta e victima pa hospital.
