Dialuna madruga a drenta informe di un accidente basta pisa cu hende herida na Kibaima, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di e Kia Cerato A22640 bayendo zuid cu velocidad basta halto a bay na man robes di caminda dal palo di lus kibra bay bek na man drechi dal den un mata bons bek sigui bay zuid dal riba e vangrailsnan bons bek bay para un poco mas pazuid. Debi na tur e impactonan ey e chuaffeur a resulta unicamente levemente herida. Na yegada di e ambulans e chauffeur mes a cana bay drenta den e ambulans unda nan a atende. Hopi azeta y resto di partinan di e auto y e palo di lus a plama full riba caminda cu mester a pidi D.O.W. pa bin haci limpi y basha santo riba e azeta. Elmar tambe a bini na e sitio pa drecha e palo di lus. E caminda mes a keda basta ora sera.