![](https://www.awe24.com/wp-content/uploads/2019/12/E93CE5B9-CD38-431C-A783-0D26FFA87D13-668x334.jpeg?v=1576714850)
Diaranzon mainta a drenta informe di un accidente basta serio den bisindario di Seroe Cristal unda cu un biaha mas un Quadracer ta envolvi.
Mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un Quadracer cu turista Mericano riba dje, a perde control di e vehiculo net den un birada. A consecuencia di esaki nan a bay dal den un baranca y despues den un palo di luz.
Despues di e impacto riba e baranca, e turista masculino a dal den e steun di e palo di luz cu ta un waya di hero.
Esaki a causa un lesion hopi serio na pia di e homber, cu a yega te na weso y hasta a kibra e weso.
E corta tabata basta grandi y tabata sangra profusamente.
![](https://24ora.com/wp-content/uploads/2019/12/WhatsApp-Image-2019-12-18-at-11.17.53-AM-1-576x1024.jpeg)
Ambulance a yega basta lihe na e sitio y un paramedico Mericano, cu tabata den un otro tour tambe a baha pa brinda ayudo na su compatriota.
Nan a cuminsa mesora pa trata di stabili’se prome cu transporte na hospital