Diaranzon mainta a drenta informe di cu un persona desconoci a yega na un cas na Pavia exigiendo e habitante placa, mesora dirigi un patruya na e sitio. Na caminda pa e sitio a drenta un otro informe indicando cu ora cu no a dun’e nada e persona a agredi e habitante y a sali cana bay direccion di Bright Bakery. Mas patruya a ser manda unda despues di a haya e descripcion di e agresor polis a logra detene na Hooiberg. A pidi presencia di e vehiculo di transporte pa asina por hib’e pa warda di polis mientras a sugeri e habitante pa bay entrega keho na recherche.