Diaranzon merdia a drenta informe di un accidente cu hende herida dilanti di Anytime Bar Restaurant na Paradera, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di e Ford Figo no a regula su velocidad ni a mantene distancia a bay dal tras di e B.M.W. Occasions 320i . Debi na e fuerte impacto e dama chauffeur di e B.M.W. a resulta herida. Na yegada di e ambulans nan a atende e dama pa “Whiplash” y a transporte pa hospital.