Diabierna mainta a drenta informe di cu un adicto ambulante a bay hiba e airco horta na De La Sallestraat pa cambie pa placa na un adres na Edisonstraat, mesora a dirigi un patruya pa Edisonstraat. Na yegada di e patruya a bin compronde cu e adicto ambulante F. a trese e airco na Edisonstraat na e lugar unda ta cumpra metal. Pero mas tempran e doño di e airco a pasa pa avisa esnan na e lugar cu ta cumpra metal y a avis’e pa yam’e si acaso un of otro hende presenta cu su airco di e marca duna. Unabes cu e adicto ambulante F. a yega e dama a reconose y a yama e doño y polis tambe. E doño a yega y a tuma e airco bek y a bay net prome cu polis a yega. Polis a atende cu e adicto ambulante F. y esaki a declara cu ela haya e airco abao benta. Ya cu e doño a haya su airco caba polis a laga F. sigui su caminda.