Diadomingo atardi a drenta informe di un incidente unda un pick-up a bay den lama cu un persona aden na Palm Island, mesora a dirigi tanto polis como ambulans na e sitio. Na yegada di e patruya a bin compronde cu e pick-up a dal e porta grandi kibra y a bay cay den lama cu un dama aden. E dama a logra sali for di e pick-up pero a guli basta awa di lama, na yegada di e ambulans nan a atende e dama na e sitio mes. E pick-up ora ela drenta lama a ser hala un poco mas afo door di e coriente di e lama mes. Awor lo mester busca e equipo pa saca e vehiculo for di lama.