Diasabra madruga a drenta informe di un accidente cu hende herida na Palm Beach, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un auto a baha caminda dal un otro auto frontal. Den un di e autonan tabata tin un chauffeur pega y como cu e equipo di rescate e momentonan ey tabata bayendo pa un otro accidente hopi mas serio, polisnan mes cu forsa di man mester a habri e auto pa saca e chauffeur herida. Ambulans tambe a presenta na e sitio y a atende e victimanan y a transporta nan pa hospital.