Diasabra madruga a drenta informe di un accidente basta serio cu hende herida pabao di e rotonde Piedra Plat, mesora a dirigi tanto polis, ambulans como tambe e equipo di rescate di bombero na e sitio. Na yegada di e prome patruya na e sitio a tuma nota cu e bus B98 ta gekenter y e chauffeur mal herida y pega den e vehiculo, mientras e otro auto un Toyota Vitz e auto hopi destrosa y un dama herida tambe pega den e auto. Na yegada di e equipo di rescate a cuminsa cu cortamento di e bus prome pa asina logra saca e prome victima. Despues a sigui cu e rescate na e Vitz. Ambulansnan presente tabata atende e victimanan y asina cu a logra saca nan a transporta ambos pa hospital. Specialistanan di trafico a presenta y a logra saca afo cu e bus a bay na man robes y a dal frontal riba e Vitz.