Diasabra merdia a drenta informe di un accidente cu hende herida riba e caminda pa bay Natural Bridge, mesora a dirigi patruyanan y ambulans na e sitio. Na yegada di e patruya a bin compronde cu e UTV Honda MFV 5094 cu 3 turista a bolter pero un di nan no ta desea atencion di ambulans mientras e otro 2 nan si. Na yehada di e ambulans nan a atende e 2 victimanan un cu rasca na curpa y e otro cu kap na cabes. Despues di a atende nan a transporta nan pa hospital. A avisa slachtofferhulp pa bay asisti nan na hospital.