Diabierna atardi e personal di ambulans ta raporta informe di un accidente cu hende herida riba e caminda di Jaburibari pa Paradera, mesora nan a baha atende e victimanan mientras polis ta na caminda. Na yegada di e patruya a bin compronde cu aki ta trata di un accidente unda cu e dama chauffeur di e Suzuki Swift no a regula su velocidad ni a mantene distancia a bay dal basta duro tras di e pisk-up Mitsubishi L200 manda esaki bay dal e Kia Picanto mas dilanti cu a para pa un auto bira. E personal di ambulans a atende e dama di e Suzuki y un otro persona cu tambe tabata keha di dolor. Ambulans a atende e victimanan levemente herida na e sitio mes.