Diaranzon anochi a drenta informe di cu tin un auto na candela na pariba di Paperclip rotonde riba E.J. “Watty” Vos blvd, mesora a dirigi tanto polis como bombero na e sitio. Na yegada di e patruya a bin topa cu e auto na candela parti dilanti. Na yegada di e bomberonan mesora nan a domina y a paga e candela pero ya e parti dilanti di e auto a keda practicamente full kima. E chauffeur a indica cu ta caba ela caba di tank e auto y riba e caminda esaki a pega na candela. Un investigacion lo revela causa exacto di e candela.