Doño di pick-up a bin topa cu e BMW cu a dal su auto nobo y a core bay, polis a detene e chauffeur di e BMW!

Diamars atardi a drenta informe di un accidente hit and run na Well Done Supermarket na Papilon, mesora a dirigi un patruya na e sitio. Na yegada dibe patruya a bin compronde cu e accidente mes a sosode na Hua Feng Supermarket na Mahuma unda e chauffeur di e pick-up ta haciendo compras y ora ela sali hendenan ey pafo a bise cu un BMW blauw y a dune e number a maniobra y a causa daño na su pick-up y a core bay. E doño di e pick-up no a keda nada contento y a sali core rond busca e BMW aki. Pa su suerte ela topa cu e vehiculo aki para na Well Done Supermarket y a yama polis mesora. Ora polis a pidi e chauffeur pa e documentonan e dama chauffeur no por a mustra cu su papelnan di auto ta na ordo. Ademas polis a detene e dama chauffeur aki cu a comete hit and run!

Share:

1 thought on “Doño di pick-up a bin topa cu e BMW cu a dal su auto nobo y a core bay, polis a detene e chauffeur di e BMW!

Leave a Reply

Your email address will not be published.