Diahuebs madruga a drenta informe di un accident cu hende herida na e cruzada na Palm Beach, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente hit & run unda cu e auto cu a ocasiona e accidente a bandona e sitio despues di a tuma e birada bay dal riba e auto contrario y a sigui core bay. Un testigo cu a mira e accidente a tuma nota cu aki ta trata di un Kia Rio blanco cu e number di e auto A77580 cu a core bay y a duna polis e number. Na yegada di e ambulans nan a atende e victima cu tabata keha di dolor na su elleboognan.