Diahuebs anochi a drenta informe di un accidente cu hende herida na Shiribana, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un auto cu a bay bira net ora cu un auto tabata bay pas’e, E impacto tabata fuerte y e motociclista a resulta seriamente herida. Un ambulans cu tabata hibando un otro pashent hospital a para djies un rato pa atende y ora e otro ambulans a yega a atende e victima y a transporta e victima cu urgencia pa hospital. Mientras polis a solicita e investigadornan technico y forensyco pa documenta e detayenan di e accidente aki. Como cu e situacion ta critico a solicita presencia di slachtofferhulp. Durante tabata investigando a yega un persona y a bay agredi e manehador di e auto cu a bira dilanti e brommer. Polis cu a nota esey mesora a bula aden y detene e agresor y nan a hib’e warda di polis pa maltrato.