Diaranzon mainta a drenta informe di un accidente na Turibana, mesora a dirigi un patruya na e sitio. Na yegada di e patruya a bin compronde cu aki ta trata di un accidente semi-frontal unda un turista coriendo un Hyundai no a duna preferencia na e pick-up, ni maske e pick-up a purba desvia asina mes e impacto tabata inevitable. Debi na e impacto e chauffeur di e pick-up a resulta herida y a solicita presencia di ambulans. Na yegada di e ambulans nan a atende e victima y a transporte pa hospital.