Caso di maltrato serio na Sanicolas, victima a yega na warda di polis tur na sanger!

Na San Nicolas den oranan di mainta a sosode un caso serio di maltrato. Polis di San Nicolas a ser avisa di e caso. Prome cu nan a yega na Jan Steenstraat patras di Santo Domingo Bar, ya caba e victima herida a yega warda di San Nicolas. E tabata tin basta sla na cara y tabata sangra. Polis a haya sa kende a comete e acto. A cuminsa cu un buskeda pa e agresornan y ta gara ambos separadamente den e area.

A trecenan warda y asina cuminsa cu e interogacion. Polisnan di San Nicolas tabata tin man basta yen diasabra mainta cu diferente caso. E victima a entrega keho y mester a haya atencion medico pa e golpinan ricibi. Loke a ripara tabata cu den fin di siman tin grupo grandi ta manece den e hanchinan di San Nicolas. Nan ta aglomera y keda bebe.

Diferente grupo tin. Den e proceso e problemanan tambe ta bin. Poco siman pasa hasta tabata tin bringamento cu tiramento y a detene hende cu arma. Awor ta agresion pisa cu bringamento cu dos detencion y un herido.

Share:

Leave a Reply

Your email address will not be published.