Diabierna mainta a drenta informe di un caso di destruccion na e ATM di Aruba Bank na Citgo Wayaca, mesora a dirigi un patruya na e sitio. Na yegada di e patruya a bin encontra un trahado di e banco hunto cu un miembro di seguridad cu a mustra polis e glas di e porta destrui. E grabacion di e camara di seguridad lo a capta e autor di e destruccion aki. Polis a conseha e representante di banco pa pasa na oficina di recherche cu e grabacion pa asina nan sigui cu e investigacion.