Diabierna mainta a drenta informe di un accidente cu hende herida na e crusada Oude Schoolstraat/Middenweg, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente pa falta di preferencia unda cu e dama chauffeur di un Kia Rio bayendo nort den Oude Schoolstraat no a para pa duna preferencia na e Ford pick-up F150 bayendo pabao den Middenweg y nan a dal den otro. Debi na esaki e dama chauffeur di e pickup kende ta na estado tabata keha di dolor, na yegada di e ambulans nan a atende y transporte pa hospital unda ayanan lo haci control mas avansa.