Diasabra madruga a drenta informe di un caso di destruccion na Paradera y e dama ta bayendo banda di Tesco pa mustra polis e destruccion, mesora a dirigi un patruya na e sitio. Na yegada di e patruya a bin compronde cu e dama su ex cual e tin yiu cun’e a bira jaloers ora e ex a bay baila cu otro hende y a bini un rabiamento unda e homber a destrui e auto di e dama y a zwaai e tas di e dama. E dama a denuncia e ex y polis a bay na cas di e ex y a detene. E ex kiermeen cu e dama ta burachi y berdad a start un pleito y ela comete destruccion na e auto y aparentemente ela menasa e dama. E dama a yama e pareha actual di e ex y a start un pleitamento verbal via telefon te cu e dama a baha for di e auto pa bay reclame y eynan polis a nota cu e dama a baha cu un ratchet den man pa agredi e pareha actual di su ex. Polis a kita e arma (ratchet) for di e dama y a bis’e pa e bay for di e sitio pero e dama no a haci caso y despues di e di 3er biaha cu a bis’e polis a detene.