[VIDEO] Polis a detene 2 homber cu a pasa den auto y a purba tira riba un otro persona na Sabana Basora

 

 

Diasabra mainta a drenta informe di un caso di “drive-by shooting” na Sabana Basora, mesora a dirigi patruyanan na e sitio. Na caminda pa e sitio a drenta mas informacion cu aki lo ta trata di un Nissan March preto numera A22474 cu 2 persona aden un color cla y e otro poco mas scur y cu nan ta arma. Na yegada di e prome patruya a bin compronde cu e tiro aki no a alcansa ningun persona pero a bay dal riba e porta di cura y e pilar. Mesora diferente patruya a cuminsa core busca den e area y a topa cu e vehiculo aki den Pos Chikito y a inicia cu un persecusion. A pidi mas patruya yuda, nan a core den Sabana Basora, Rooi Taki, bolbe Sabana Basora aki na un dado momento polis a purba blokea e auto pero a logra desvia y casi a dal e auto di nos colaborador pero a sigui bay pariba bay zuid direccion Pos Chikito atrobe yegando e veld di Unistars polis a wak un bon oportunidad pa fishtail e March pone perde control subi e veld kibrando su bumper lague pega bao di e auto strobando e di sigui core. E 2 personanan baha y cuminsa core na pia bula drenta un cura di cas y aki e arma di candela a cay for di nan poder y a cay riba vloer polisnan a split y a logra gara e prome sospechoso casi riba caminda grandi dilanti Botica Aloë unda eynan a detene mesora, mientras a sigui tras di e otro sospechoso cu a drenta un cura di cas pero no tabata sa unda ela sconde. Polis a rondona e area full rond. Na un dado momento ela purba sali y core, hasta polis a los tiro di advertencia pero e no a para y ora ela bay purba bula e cura banda pazuid cu ta mas halto eynan polis a haya chance pa ranke abao un otro agente a ripara cu e sospechoso tabata tin algo den su man y e prome reaccion di polis tabata skop kita esaki for di su man. Otro polisnan a bin reforsa y asina a logra detene y boei e. Esaki tabata exitoso pasobra den tempo record a logra gara e sospechosonan den un bon trabao di equipo. Polis a confisca tanto e arma como e vehiculo.

Share:

Leave a Reply

Your email address will not be published. Required fields are marked *