Den oranan di madruga a drenta informe di un accidente cu basta daño material riba e caminda di e rotonde banda di Superfood bayendo pa rotonde banda di Amsterdam Manor, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda un pick-up Toyota Hilux bayendo pariba a bay na banda robes di caminda dal den banda riba e wiel di patras di un Ford Explorer di direccion contrario y sigui bay dal semi frontal riba un Nissan Sentra tambe di direccion contrario. E impacto tabata basta fuerte y cu hopi daño material. Afortunadamente ningun hende a resulta herida.