Diasabra ultimo, 16 di juli 2022, Rotaract Club of Aruba a instala su directiva nobo pa anja 2022-2023.
Presidente saliente, Bjorn Vrolijk a habri e anochi gradiciendo e directiva saliente pa un tremendo trabou eherci, recordando un otro anja satisfecho pa Rotaract Club of Aruba repasando tur e projecto nan cu a destaca y cu a wordo nomina entre miembro nan. Projecto di prome kwartaal a sali “Back to School”, di dos kwartaal “Pasa Pret cu Rotract”, di tres kwartaal “Bake Sale” y e ultimo kwartaal “Fellowhip Egg hunt”. Y como projecto ganador di anja 2021-2022 a keda pa “Pasa Pret cu Rotract”. Y tambe a saca miembro cu a sobresali di cada kwartaal, nomina tambe door di miembro nan abase di votacion. Prome kwartaal Karel Arends, di dos kwartaal Roslaine Everon, di tres y di cuater kwartaal Rebecca Maduro cu porcierto tambe a sali Miembro di anja 2022-2023.

E anochi a sigi cu instalacion di e directiva nobo bou di guia di Katinka van der Putten apunta como e siguiente presidente di Rotaract Club of Aruba pa anja 2022-2023. Katinka ta miembro activo di Rotaract  desde 2015 asumiendo diferente rol y ta cla pa eherce e posicion como presidente hunto cu e otro miembro nan di directiva cu ta lo siguiente;
Bjorn Vrolijk: Presidente Saliente
Shawn Lopez: Vice-Presidente y Secretaria
Joeri King: Tesorero
Micheline Jeandor: Director Relacion Publico
Dilynn Pom: Director Desaroyo Professional y di Club
Daneshka Rodriguez: Director Servicio pa Comunidad y Internacional

Presidente Katinka a hiba palabra elaborando riba e thema di Rotary International pa anja aki cual ta “Think Big”. Imagina posibilidad y cambio nan cu por hasi impacto positivo mundialmente.
E meta ta pa “Dream Big” hibando nos club ariba un nivel mas halto, con nos por sigi yuda nos comunidad lo maximo, con nos por yuda nos miembro nan crece y con nos por concientisa y trece cambio rond mundo.
Cu esaki conhuntamento cu e directiva nobo pa anja 2022-2023 a skohe e thema Unite& Grow pa asina tambe sigi cu e union entre miembro nan especialmente despues di tempo nan dificil cu nos a pasa aden e ultimo 2 anja y pa sigi hasi projecto nan grandi pa nos comunidad.

Nos kier a gradici Elite Productions, Peanuts, Perfect Team Event Planner, Romar Trading, Cas di Brenchie y tambe miembro nan di Rotract y Rotary pa hasi e anochi aki uno special y memorabel.

Comunidad henter por sigi conta cu e sosten di Rotaract Club of Aruba.
Si bo ta entre 18 y 35 anja y kier join nos club, contact nos na:

Email: info@rotaractaruba.com
Facebook: Rotaract Club of Aruba
Instagram: RotaractAruba