Diasabra madruga a drenta informe di un accidente cu hende herida y pega den auto na Tanki Leendert, mesora a dirigi tanto polis, ambulans y tambe e equipo di reacate di bombero na e sitio. Na yegada di e patruya a bin compronde cu aki ta trata di un accidente unda e chauffeur di un Hyundai Tucson bayendo nort riba e caminda grandi net patras di Retraco a baha caminda y a subi un cura di cas. Debi na e impacto tanto e dama pasahero como e chauffeur masculino a resulta herida. Na yegada di e ambulans nan a atende ambos victima y na yegada di bombero a kibra e candal di e cura di e cas pa asina logra saca e dama pasahero for di e cura na lock. E chauffeur mes a nenga atencion medico pero e dama pasahero si a ser hiba hospital. Na e sitio tabata tin un agente policial cu no kier a laga nos reportero yega cerca y a mande bay para na un distancia masha leu mes. Kizas lo ta un familiar di e agente lo ta envolvi, pero asina mes nos a logra haya imagennan un poco mas cerca di un colaborador incognito cu si a logra saca foto un poco mas cerca.