Diaranzon madruga a drenta informe di cu nan lo a benta algo den e bebida di e turista y na su yegada na hotel a bira malo, mesora a dirigi tanto polis como ambulans na e hotel na Palm Beach. Na yegada di e patruya a bay na e camber di e hotel y a topa un homber di 22 aña na prome instante polis a nota cu e ta burachi y tabata keha di dolornan na stoma. Polis a pidi toch pa e ambulans bin control’e, ya cu e victima a declara cu e no a bebe hopi. Na yegada di e ambulans a bin saca afor cu e homber a come diferente cos bruha y cu bebida a crea un food poisoning den su stoma y pa su alivio y recuperacion e mester bay hospital. Ambulans a atende y a transporte pa hospital.