Aruba One Happy Island Lions Club e aña aki atrobe lo ta organisando su Back to School campaign unda lo regala muchanan den mas necesidad articulonan basico pa por cuminsa school manera rugtas, pen,linial, schrift, etc.
Pa haci esaki posible miembronan di Aruba One Happy Island Lions Club lo ta recaudando fondo mañan diasabra 30 juli 2022 dilanti Imelda Kleuterschool na Playa y na rotonde di Tanki Flip.
Nos miembronan lo ta presente entre 10AM y 12.30PM y despues di 4PM pa 6.30PM.
Nos ta conta cu sosten di pueblo di Aruba, cu semper ta contribui cu Aruba One Happy Island Lions Club, pa nos por sigui yuda esnan mas necesita den comunidad di Aruba.
