Diasabra mainta a drenta informe di un caso di accidente hit & run na Sero Blanco, mesora a dirigi un patruya na e sitio. Na yegada di e patruya a bin compronde cu un Nissan Tiida color beige a pasa dal un auto staciona y a sigui core bay. Na e momentonan ey a drenta un otro informe di cu un auto a laga e bumper di un auto cu su number pega na dje. Unabes cu polis a caba na Sero Blanco nan a bay na Brusca y eynan a haya e bumper memey di caminda. Ora a controla e number A75251 esaki tabata cuadra cu un Nissan Tiida. Polis a confisca e bumper y a busca rond den e area y tambe na e adres unda e auto ta registra pero no a bin encontra cun’e.