![](https://www.awe24.com/wp-content/uploads/2022/07/4CFA1839-CDFA-4DDC-8A28-603323B4450D-668x334.jpeg?v=1659215542)
Diasabra mainta a drenta informe di un accidente hit & run na Bubali, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un auto chikito KIa Picanto shinishi lo tabata bini duro y a bay dal riba e porta di garashi di un cas. Ora polis a termina eynan no mucho leu for di e sitio ey polis a mira e supuesto auto ey hinca den un cura di cas den cercania. Polis a baha papia cu un dama na e cas pero e chauffeur mes tabata drumi. E dama a mustra polis e documentonan y a tuma e informacion pa asina repara e daño causa.