Diabierna atardi a drenta informe di un accidente cu hende herida pabao di e pompstation na Paradera, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un Kia Rio biniendo di pabao a bay bira na man robes dilanti un ciclista di direccion contrario y esaki a bin dal riba e auto y e ciclista a dal abao. Den e impacto y na e caida e ciclista a resulta herida. Na yegada di e ambulans nan a atende e victima.