Diabierna mainta a drenta informe di un accidente cu hende herida pariba di KFC na Kamerlingh Onnestraat, meaora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente cu 4 auto envolvi unda e chauffeur di e Kia Rio no a regula su velocidad ni a mantene distancia a bay dal tras di un Mitsubishi suv, manda esaki bay dal tras di un Hyundai Santa Fe y consecutivamente manda esaki bay dal tras di un Hyundai H1. E impacto tabata asina fuerte cu e chauffeur di e Kia Rio a resulta herida. Na yegada di e ambulans nan a atende e victima na e sitio mes.