Diasabra mainta tempran a drenta informe di un accidente na e rotonde Pos Chikito, mesora a dirigi un patruya na e sitio. Na yegada di e patruya a bin compronde cu aki ta trata di e Toyota MarkX A28011 cual tabata bayendo pariba acercando e rotonde cu un velocidad basta halto y a purba pas’e na banda pero a bay dal riba un palo di lus y a cay den banda for di e caminda. Afortunadamente ningun hende a resulta herida.
