Diabierna anochi a drenta informe di un accidente cu hende herida na San Miguel, mesora a dirigi tanto polis como ambulans na e sitio. Na yegada di e patruya a bin constata cu aki ta trata di un accidente entre un brommer Harley Davidson y un Ford Pick-up unda e motocicliesta a bay dal tras di e pick-up. E impacto tabata fuerte y e motociclista ya no tabata tin pulso mes. Na yegada di e ambulans nan a pidi pa dokter ya cu e impacto tabata fatal pa e victima.
Polis di trafico a presenta na e sitio como tambe polis technico pa haci e investigacion. Slachtofferhulp a ser solicita na e sitio tambe.
Pa 9:50 Dr Texier ta constata morto di Carlos Alberto Rojer naci na Aruba 30 di juli 1973 ( 49 aña).

awe24.com y tambe Cuerpo Policial ta manda palabra di condolencia na famia di e fayecido.