Diabierna anochi a drenta informe di un accidente cu hende herida poco pariba di e rotonde na Hato, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un Suzuki Jimny saliendo for di e rotonde direccion pariba a bay mucho na man robes, dal na e acera, kita na man drechi perde control y bay cay den e greppel pazuid di caminda.  Debi na e boltermento den e greppel  persona a resulta herida, na yegada di e ambulans nan a atende ambos y a transporta nan pa hospital.