Dama chauffeur a bay dal riba e muraya di e rotonde banda di Superfood

Diadomingo madruga a drenta informe di un accidente cu hende herida na e rotonde banda di Superfood na Bubali, mesora a dirigi tanto polis como ambulans na e sitio. Na yegada di e patruya a bin compronde cu e dama chauffeur di e Hyundai Elantra lo a pega soño yegando e rotonde y a bay stret dal riba e muraya di e rotonde. Debi na e fuerte impacto e dama a resulta herida. Na yegada di e ambulans nan a atende cu e victima y a transporte pa hospital.

Share:

Leave a Reply

Your email address will not be published.