Siman pasa Minister Maduro di Cultura a ricibi Fundacion Fiestas Patrias en Aruba den persona di Presidente sr. Guillermo Salinas y Vice Presidente sra. Livaney Lujan Reyes, kendenan a haci entrega di e bunita buki ‘El Libro Bicentenario de la Independencia del Peru’ na e mandatario. E buki conmemorativo aki na ocasion di e 200 aniversario di independencia di Peru ta contene potretnan cu ta conta e sucesonan mas importante desde aña 1821 pa 2021 na Peru. Minister Xiomara Maduro ta gradici Fundacion Fiestas Patrias pa e bunita gesto aki. Alabes e mandatario ta extende palabra di pabien y gratitud na e comunidad di Peru estableci na Aruba pa nan aporte positivo semper na e desaroyo di nos Pais.