ORANJESTAD: Un otro persona cu a wordo honra pa PremioExcelencia den Deporte 2021 ta sr. Tai Kong Hypert Lee mihoconoci como ‘Dochi’. Sr. Lee su lema ta unda cu bo traha cu curason, ta cos bon so por bin y locual bo man drechi haci, boman robes no mester haya sa.
Dochi su amplio trayecto deportivo den e deporte di futbol:
Futbol:
Dochi a hunga futbol cu hopi amor pa e deporte rey. Eekiponan cu sr. Lee a hunga cu nan ta: Estrella categoriahubenil, Sportboys Club y Atlantico Deportivo.
Referee di Futbol:
Cu edad di 22 aña Dochi a cuminsa fluit wega di futbol y asina tambe a bira referee oficial di Arubaanse Voetbal Bond. Unda a fluit internacional tambe incluyendo Bonaire, Curaçao, Surinam y Guyana. Na 1973 den un stadion di Rif na Curaçao completamente yen a fluit e wega final entre Jong Colombia di Curaçao y Dakota di Aruba unda e wega a termina cu un empate 1-1. Dochi a fluit wega final di copaAntiyano entre Aruba Curaçao y Aruba Boneiro. Sr. Lee a bira miembro di FIFA y asina tambe a logra haya su badge oficial como referee internacional di FIFA. Dochi a fluit 31 aña wega di futbol tanto na Aruba como internacionalmente. Na 1982 Dochi a keda nombra pa bay fluit futbol den JuegosPanamericanos y del Caribe na Medellin Colombia. Dochi aasisti na varios seminario di arbitrahe di Concacaf den exterior entre otro, Mexico y Brasil. Actualmente Dochi ta miembro sostenedor di varios ekipo di deporte aki na Aruba y tambe consehero den loke ta deporte na varios ocasion. For di 2001-2009 sr. Lee a fungi como consehero principal di gobierno riba e tereno di deporte. Unda a yuda organisaolympiada escolar Betico Croes y mucho mas.
Sr. Dochi Lee na aña 2019 a ricibi un Condecoracion Real pa tur su trabounan boluntario cu semper a eherce y mayoria ta pa deporte. Sr. Dochi Lee a traha incansablemente y tabata un pilar durante e proyectonan di Stadion Nadi Croes y CrismoAngela, Compleho Deportivo Pos Chikito, Stadion FransFigaroa, Parke Yaburibari, Yara y Simon Antonio.
Premio Exelencia den Deporte y Minister Endy Croes ta felicita sr. Tai Kong Hypert ‘Dochi’ Lee cu e reconocementoBaluarte Deportivo 2021 danki pe dedicacion amor y aporteden e deporte di Aruba. Danki pa pone Aruba su nomber briyaden exterior.
