Diaranson mainta a drenta informe di un accidente cu hende herida na Washington, mesora a dirigi tanto polis como ambulans pa e sitio. Na yegada di e patruya na e sitio a bin compronde cu aki chauffeur di un Toyota Yaris bayendo panort riba Caya Nelson Florencio Sprok lo a perde control di e vehiculo, baha caminda na banda drechi y dal den un mata di kwihi. E impacto a causa cu e chauffeur a ricibi herido na su rudia como tambe cabes. Ambulans a presenta na e sitio y a atende cu e chauffeur herida.