Candela intencional den un di e trailernan di detenidonan na Guarda Nos Costa, e candela tabata den e compartimento unda e tan comenta indocumenta Chavez ta sera

Diahuebs atardi a drenta informe di cu tin candela den un trailer na e instalacion di detenidonan di Guarda Nos Costa na Dakota, mesora a dirigi tanto polis, bomberonan como tambe e personal di ambulans. Na yegada di e patruyanan ya caba e guardianan di Guarda Nos Costa a paga e 2 colchonnan na candela y a bin logra saca afo cu e candela ta intencional pa colmo net den e seccion unda e detenido Chavez ta aloca y net awe e lo mester a regresa Venezuela, pero como e tin un caso encuanto pidimento di asilo y e no kier a deshaci di e caso e mester keda pa dia 14 di september awor atende su caso. Mirando tur esaki y e daño cometi a pidi pa recherche como tambe e investigadornan technico y forensyco na e sitio. Bomberonan na nan yegada a rek slang habri pero como ya e guardianan mes a logra domina e candela rapidamente y a tene e daño minimal. Ambulans a bini pa si acaso hende a guli hopi huma.

Share:

Leave a Reply

Your email address will not be published.