Diahuebs atardi a drenta informe di un accidente panort di e rotonde banda di Acero na Tanki Leendert, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e chauffeur di un Chevrolet no a regula su velocidad ni a mantene distancia a bay dal tras di un Nissan Versa bayendo zuid. E impacto tabata basta fuerte pero asina mes ningun hende a resulta herida.
